19 сәуір күні М.Ломоносов атындағы қалалық орталық кітапханада Қазақстанның халық жазушысы, драматург Қуандық Шаңғытбаевтың 100 жылдығына орай «Маржан жырдың мәртебелі дегдары» атты кездесу кеші өтті.
Шараның мақсаты: Оқырмандарға Қарабұтақ өлкесінің төл перзенті, тума талант, дарынды ақын Қуандық Шаңғытбаевтың өмірі мен шығармашылығынан жан-жақты мағлұмат беру, ақынның әдеби мұрасын кеңінен насихаттау, жас буынға рухани тәрбие беру және ұлттық әдебиетіміздің көрнекті тұлғасын таныту.
ҚР Президенті Қасым-Жомарт Тоқаев 2025 жылды «Жұмысшы мамандықтары жылы» деп жариялады. Қай салада болсын, жанқиярлық еңбек пен табандылық қана жеңіске жетелейді. 17 қаңтар күні М.Ломоносов атындағы қалалық орталық кітапханада Қоғамда еңбекқор және нағыз маман болу идеясын насихаттау мақсатында «Ел ертеңі өркендеуге бағдар» дөңгелек үстел ұйымдастырылды.
Толығырақ: ҚР Президенті Қасым-Жомарт Тоқаев 2025 жылды «Жұмысшы мамандықтары жылы» деп жариялады
07 қараша күні №5 С.Я.Маршак атындағы қалалық балалар кітапханасында кітапхананың құрылғанына 60 жыл толуына орай «Білімнің ғажайып ордасы» атты салтанатты кеш өтті.
Кештің құрметті қонақтары жазушылар одағының мүшесі, ақын, сазгер, аудармашы, ҚР Мәдениет және ақпарат министрлігінің «Мәдениет саласының үздігі», тележурналист Г.Т.Аймаханова және ұзақ жыл кітапхана саласында қызмет жасаған зейнеткерлер келіп өздерінің жылы лебіздерін айтты. Облыстық Н.Байғанин атындағы балалар кітапханасының директоры Кашкенова Э.С. және «Қалалық қазақ зағиптар қоғамы мәдениет үйінің» директоры А.Жарылқасынұлының құттықтау тілектері әнмен жалғасты. Кеш барысында серіктес №12 және №33 орта мектептердің оқырмандары күй тартып, би билеп өнерлерін көрсетті. Сонымен бірге серіктес мекемелердің басшыларының атынан кітапханаға алғыс хаттар табысталды. Қорытынды сөзді «ҚОКЖ» КММ директоры Салиева Г.Н. сөз сөйлеп алғысын білдірді.