ЖАҢАЛЫҚТАР
- Толығырақ
- Автор: Super User
- Категория: Жаңалықтар
- Қаралды: 129
28 қаңтар күні М.Ломоносов атындағы қалалық орталық кітапханада композитор, өнер зерттеуші Ахмет Жұбановтың туғанына 120 жыл толуына орай «Ғасырлар пернесі – ғибрат ғұмыр» атты оқырман конференциясы өтті.
Шараның мақсаты – қазақ музыка мәдениетінің көрнекті өкілі, ұлт руханиятының шамшырағы Ахмет Жұбановтың өмірі мен шығармашылығын кеңінен насихаттау, жас ұрпаққа оның ғылыми-зерттеушілік еңбегі мен өнердегі мол мұрасын таныту.
«Ахмет Жұбанов – қазақ музыка ғылымының негізін қалаушы» атты ақпарат тыңдалып, «Ұлт руханиятындағы Жұбанов мұрасы» тақырыбында кітап көрмесі таныстырылып, «Ғалым еңбектерінің бүгінгі маңызы» атты бейнеролик көрсетілді.
Толығырақ: «Ғасырлар пернесі – ғибрат ғұмыр» оқырман конференциясы
- Толығырақ
- Автор: Super User
- Категория: Жаңалықтар
- Қаралды: 45
26 қаңтар күні №1 Абай атындағы қалалық кітапханасының ұйымдастыруымен Ақтөбе өңірінен шыққан талантты, белгілі тұлғаларды насихаттау мақсатында «Келбет» talking жобасы аясында Ақтөбе жоғары гуманитарлық колледжінде айтыскер ақын, Қазақстан Жазушылар Одағының мүшесі, ҚР Мәдениет саласының үздігі, «Жұлдызым» және «Ақын мен ақыл» кітаптарының авторы Қожабекова Жұлдыз Қазиханқызымен «Келбет пен кеудедегі үн» атты ашық сұхбат кездесу өтті. Кездесу кешіне Ақтөбе жоғары гуманитарлық колледжінің саз бөлімі, қазақ тілі және әдебиет, бастауыш білім беру, дене шынықтыру топ студенттері мен кітапхана оқырмандары қатысты. Шара барысында ақын, айтыскер туралы шығармашылығы өмірі туралы бейнероликтер көрсетіліп, саз бөлімінің студенті Серік Жұлдызай «Гүлмін», №30 орта мектеп 8 «а» сынып оқушысы Жақсығалиев Ерасыл халық әні «Жадаукөк» әндерін орындады. «Айсын» радиожурналистика мектебінің оқушысы Бағжан Қайратқызы ақынның «Жусан жыр» өлеңін мәнерлеп оқыды. «Өлке рухы ақындар жүрегінде» кітап көрмесі жасақталды.
- Толығырақ
- Автор: admin1
- Категория: Жаңалықтар
- Қаралды: 176
24 қазан – Кітапханашылар күніне орай 24 қазан күні Қарғалы тұрғын үй алабындағы №6 модельді кітапханада «Сан ғасырдың құпиясын сақтаған» атты мерекелік шара өтті.
Іс-шараның мақсаты – кітапханашылар еңбегінің қоғамдағы маңызын насихаттау, рухани және мәдени құндылықтарды сақтаудағы кітапханашылардың рөлін атап өту, сондай-ақ сала мамандарына құрмет көрсету.